El Mappets: Le Vuere Fra Esars

VIVE VIVE VIVE EL NÎT ELETRONIC
PONT E MIEÇ DI CAESE PONTADE MORSAN

Učel di Plomp

Alias: Pedee, Vidielùt, Tortelin, Tiremole, Zulugne marçuline, Muppets e vie indenant...

Le Vuere Fra Esars

Planc planc, a ven indenant le suspirade VIARTE (PRIMEVERE) le stagjon buine, el sveâsi da nature. Li plantis a tachin a butulâ (sflurî), li besteutis a corisi daûr, i uceluts a svoletâ e a clamasi l’un cu l’atri (cjantâ), ancje i umins a si indulcisin.

El unviâr pene lât al è stat pluitost lungjut e ancje bastance crudut e par chist al à lasât viodi le campagne e soredut li fuesis, crotis di cisis e baraçars, podopo i omps a si son ben furnits di machenaris par netâ e masanâ li cisis ca si cjatin di ca e di la di duti li stradis plui o mancul traficadis. Ma cusì fasint, a si è mitût in biele mostre če ca nol è pai fosai. Jo, Ucel di Plomp, svolant bas e girant tal nestri marimont, o ai viodût dut ce ca nol è, apont, drenti ta fuesis, butiglis di plastiche, tocs di machine pacadis, cerclons, gomis, scubulots di struc di pome, strichis di nailon, borsis di plastiche cun cuisâ če cal è drenti e ce saio jo ancjemò...!?

Chist spetacul, gratis a nol è e piês ancjemò al è stabil, ma par nô ucei, al no va ben e par chist, nô a si ritignin schifâts par el vuestri compuartament tant uman e pôc ANEMÂL.
A nus vanzin pôs puescj par podê nidiâ e la che si pues fâ su al è plen das vuestris mundicis.
(FASEISI VUATRIS LI CJASIS TAL BIEL MIEÇ DA PLASTICHIS di ogni model pusibil)!
Nô, o sin restâz ancjemô ale BIELECE DA NATURE cemût ca jere prin che vuatris LE FASESIS fûr dal bocâl!

.. sii di une bande, ancje nô ucei, cualchi sbitiade su lis vuestris machinis lis vin tiradis...
ma pensait se le vacjs a vesin svolât...

In dut câs el nestri guano US À STÂT BEN!

Ben po, par taialecurte, nô us dinuncin a cualchidun cal è plui in alt e plui grand di ducj nô mitûts insieme, LE GRANDE MARI NATURE.

Nô, par tant ca oredin a no sin in grât di fermâ el vuestri fâ, ma apont apelantsi A JÈ, o vin cjatât el mût par daus un displasè grandonon.

NÔ A NO CJATARIN PLUI! CJANTAIT VUATRIS

E MANDI PAR SIMPRI. Gardilins, Luiars, Verdons, Usignûi .....


P.S.:
O CUSÌ O CARIC!
Se le montagne a chi no ven,
a mi tocje lâ la a mi!
(a no lis ai inventadis jo!)

Chist scrit al sarà
ancje lunc di lêi
ma scusait
leinlu ducj parce ca je ore di metisi a fâ
e no dome tabaiâ!